योजनांची अंमलबजावणी गतिशील करा Featured

Friday, 08 June 2018 10:07 Written by  Published in चंद्रपूर Read 33 times

चंद्रपूर : केंद्र शासनाच्या विविध योजनांच्या माध्यमातून जिल्ह्यातील सर्व स्तरातील नागरिकांना योग्य सुविधा मिळाव्यात, यासाठी प्रत्येक योजनेचा आढावा सोमवारी केंद्रिय गृहराज्यमंत्री हंसराज अहीर यांनी घेतला. यामध्ये प्रामुख्याने उज्ज्वला गॅस वाटप योजना, प्रधानमंत्री आवास योजना, शुध्द पाणी पुरवठयाची अमृत योजना, महानगरातील पाणी पुरवठयासाठी नदी खोलीकरणाचा आढावा त्यांनी घेतला. चंद्रपुरातील नागरिकांना उत्तम नागरी सुविधा मिळाव्यात, यासाठी यंत्रणा अधिक सक्रीय व योजनांची अंमलबजावणी गतिशील करण्यात यावी, असे निर्देश त्यांनी दिले.


या बैठकीला महापौर अंजली घोटेकर, प्रभारी जिल्हाधिकारी सचिन कलंत्रे, मनपा आयुक्त संजय काकडे उपस्थित होते. शासकीय विश्रामगृहावर झालेल्या दिवसभरांच्या बैठकांमध्ये त्यांनी सर्वप्रथम उज्ज्वला गॅस योजनेचा आढावा घेतला. जिल्ह्यामध्ये या योजनेच्या लाभार्थ्यांची संख्या गतीने वाढावी, यासाठी असणाऱ्या अडचणी त्यांनी समजून घेतल्या. तर विविध गॅस कंपन्या आणि त्यांच्यावर नियंत्रण असणाºया जिल्हा पुरवठा अधिकारी राजेंद्र मिस्कीन यांना आवश्यक सूचना केल्या. सामाजिक, आर्थिक सर्व्हेक्षणानुसार जिल्ह्यामध्ये एक लाख ७४ हजार पात्र कुटुंब आहेत. मात्र सध्या ५७ हजार कुटुंबाना या योजनेचा लाभ मिळत आहे. या योजनेसाठी अंतोदयमध्ये येणारे कुटुंब, वनमजूर, अनुसूचित जाती, जमाती समुदायातील सर्व कुटुंब लाभार्थी ठरु शकतात. त्यामुळे या योजनेचा लाभ मोठया प्रमाणात जनतेपर्यंत पोहचावा, असे आवाहन यावेळी ना. अहीर यांनी केले. चंद्रपूर महानगराला पाणी पुरवठा करण्यासाठी अमृत योजनेंतर्गत २३१.७७ कोटी रुपयांच्या योजनेला मंजुरी आली आहे. इरई धरणातून होणाºया या पाणी पुरवठा योजनेबाबतचा सद्यस्थिती आढावा ना. अहीर यांनी घेतला. पाणी पुरवठयाबाबत योग्य प्रमाणात वितरण व्यवस्था हाताळण्याची सूचना त्यांनी केली.

Last modified on Friday, 08 June 2018 11:34
Super User

चंदा मिरर हे एक वृत्त पोर्टल आहे जे संपूर्णपणे चन्द्रपूर व विदर्भ क्षेत्राला समर्पित आहे. आम्ही माध्यमांचा नवा प्रकार आणि पत्रकारिता क्षेत्रात नवीन मैलाचा दगड स्थापित करण्याच्या मार्गाने आहोत. आम्ही सर्व प्रकारच्या बातम्या, विदर्भाच्या प्रत्येक कोनापासून, आमच्या मोठ्या प्रमाणावर पसरलेल्या बातम्यांच्या नेटवर्कवर केंद्रित करतो. आम्ही वाचक, नेते, सरकारी संस्था आणि समाजातील इतर भागांद्वारे ओळखले गेलेलो आहोत.