ड्रग्सची लत चंद्रपुरातील युवकांचे भविष्य अंधारात झोकत आहे. हा प्रकार डोळ्यांसमोर घडत असतांना डोळे झाक करून गप्प बसने सज्ज नागरिकाचे लक्षण नाही.  याविरोधात लढा उभारून ड्रग्सला चंद्रपुरातून हद्दपार करण्याची गरज आहे. आणि हे तुमच्याशिवाय शक्य नाही. त्यामूळे आता ड्रग्स विरोधातील लढ्यासाठी सज्ज व्हा असे आव्हान सामाजिक कार्यकर्ते किशोर जोरगेवार यांनी विध्यार्थ्यांना केले. पटेल हायस्कुल अँल्युमनी फाउंडेशन, चंद्रपूर तथा स्व. प्रभाताई जोरगेवार चॅरिटेबल ट्रस्ट चंद्रपूर, व यंग चांदा ब्रिगेटच्या वतीने इंदिरा गांधी प्रियदर्शनी सभागृहात ड्रग्स जनजागृती कार्यक्रमाचे आयोजन करण्यात आले होते. या कार्यक्रमात विद्यार्थ्यांना मागदर्शन करतांना ते बोलत होते. यावेळी डॉ. सुप्रिया देशमुख यांची मुख्य वक्त्या म्हणून मंचावर उपस्थिती होती.

शिवसेनेचे नेते, माजी जिल्‍हा प्रमुख रमेश तिवारी यांच्‍या निधनाने जनतेच्‍या प्रश्‍नांसाठी सदैव लढणारा कट्टर शिवसैनिक आपण गमावला असल्‍याची शोक संवेदना अर्थमंत्री तथा चंद्रपूर जिल्‍हयाचे पालकमंत्री सुधीर मुनगंटीवार यांनी व्‍यक्‍त केली आहे.

पटेल हायस्कूल अँल्युमनी फाऊंडेशन चंद्रपूर व स्व .प्रभाताई जोरगेवार चँरिटेबल टस्ट चंद्रपूर यांच्या संयुक्त विद्यमाने शालेय तथा महाविद्यायीन विद्यार्थी बांधवांवर होत असलेल्या ड्रग्स नावाच्या महा भयंकर राक्षसाबद्दल जनजागृती करण्यासाठी सोमवार दिनांक २१ जानेवरी २०१९ रोजी प्रियदर्शनी इंदिरा गांधी सभागृह येथे चंद्रपूर विद्यार्थी -शिक्षक -पालकांसाठी कार्यक्रमाचे आयोजित करण्यात आलेला आहे.कार्यक्रमाचे उदघाटक म्हणुन स्व.प्रभाताई जोरगेवार चँरिटेबल टस्ट , चंद्रपूरचे अध्यक्ष किशोर जोरगेवार राहणार आहे. तर कार्यक्रमाच्या प्रमुख वक्त्या तथा मार्गदर्शिका म्हणुन डॉ. सुप्रिया देशमुख राहणार आहे.
चंद्रपूर : चंद्रपूर-वणी-आर्णी लोकसभा क्षेत्रांतर्गत रेल्वेशी निगडीत विविध सोयी-सुवीधांच्या उपलब्धतेकरिता तसेच प्रलंबित रेल्वे मागण्यांच्या पूर्ततेसंदर्भात या क्षेत्राचे खासदार तथा केंद्रीय गृह राज्यमंत्राी हंसराज अहीर यांनी दि. 7 जानेवारी 2019 रोजी मध्य रेल्वेचे तसेच दक्षिण-पूर्व-मध्य रेल्वेच्या विभागीय रेल्वे प्रबंधकांची संयुक्त बैठक नागपुरातील रवि भवनात घेतली. या बैठकीत रेल्वेशी संबंधित अनेक महत्वपूर्ण विषयावर सखोल चर्चा झाली. यावेळी रेल्वे विषयक अनेक सोयी-सुविधांबाबत मंत्राी महोदयांच्या उपस्थितीत सकारात्मक निर्णय घेण्यात आले. बैठकीस चंद्रपूर रेल्वे सुविधा संघर्ष समितीचे अध्यक्ष रमणीकभाई चव्हाण, झोनल रेल्वे परामर्शदात्राी समितीचे सदस्य दामोदर मंत्राी, एमआयडीसी असो.चे अध्यक्ष मधुसुदन रूंगठा, भाजपा नेते विजय राऊत, दक्षिण-मध्य रेल्वे समितीचे सदस्य राहुल सराफ प्रभृती प्रामुख्याने उपस्थित होते.
जिवती: ‘‘विना सहकार, नही उध्दार’’ हे सहकाराचे ब्रिद असून सहकारातूनच समाज, राष्ट्र व आर्थिक उन्नतीला हातभार लागतो या क्षेत्रात सहकार भारतीचे फार मोठे योगदान असून सहकाराचे सर्वत्रा जाळे विणल्या गेले आहे असे प्रतिपादन चंद्रपूर लोकसभा क्षेत्राचे विस्तारक दिशा समितीचे सदस्य खुशाल बोंडे यांनी मारईपाटन या तीर्थक्षेत्राी सहकार विषयक आयोजित कार्यक्रमास संबोधित करतांना केले. या कार्यक्रमाला आदिवासी नेते वाघुजी गेडाम, जि.प. सभापती सौ. गोदावरी केंद्र, भाजपा जिवती तालुकाध्यक्ष केशवराव गिरमाजी, भाजपा विस्तारक सतीश दांडगे, भाजपा किसान आघाडी जिल्हा महामंत्राी राजु घरोटे, सुरेशभाऊ केंद्रे, दत्ताजी राठोड, भाऊराव चंदनखेडे, गोपीनाथ चव्हाण, महादेव तपासे, सचिन शेंडे, भारत तेलंग आदी प्रभृतींची उपस्थिती होती.

चंद्रपूर जिल्‍हयातील वर्धा नदीवरील धानोरा, आमडी व आर्वी-धानुर या तीन बॅरेज च्‍या स्‍थळी 7.50 मीटर पेक्षा जास्‍त खोलीवर कठीण भूस्‍तर उपलब्‍ध होत असल्‍यामुळे सर्वेक्षण, अन्‍वेषण, संकल्‍पन व सविस्‍तर प्रकल्‍प अहवाल वॉप्‍कोस या संस्‍थेकडून करून घेण्‍यासाठी मान्‍यता देण्‍याचा ठराव विदर्भ पाटबंधारे विकास महामंडळाच्‍या नियामक मंडळाच्‍या बैठकीत पारित करण्‍यात आला आहे. सदर तिन्‍ही बॅरेजेसच्‍या कामासाठी निधी उपलब्‍ध करण्‍याची मागणी अर्थमंत्री सुधीर मुनगंटीवार यांनी केली. या मागणीसाठी अर्थमंत्री तथा चंद्रपूर जिल्‍हयाचे पालकमंत्री सुधीर मुनगंटीवार यांनी केंद्रीय जलसंसाधन मंत्री नितीन गडकरी यांची नवी दिल्‍लीत भेट घेतली व मागणीचे निवेदन सादर केले.

अविरत काम करुन शहरातील प्रत्येक घरात प्रकाश पोहचवीण्याचे काम करणा-या महावितरणच्या कामगारांसह अभियंत्यांवर आंदोलनाची वेळ ओढावणे हे दुर्दैव आहे. त्यांच्या मागण्या न्यायक असून त्या पुर्ण करण्यात याव्हा अशी मागणी चंद्रपूर विधानसभा नेते किशोर जोरगेवार यांनी केली आहे. तसेच त्यांनी पूकारलेल्या आंदोलनालाही जोरगेवार यांनी आपला पाठींबा दर्शवीला आहे. विविध मागण्यांसाठी महावितरण केंद्रात काम करणा-या कामगारांसह अभियंत्यांनी आंदोलन पुकारले आहे. याच आंदोलनाचा भाग म्हणून त्यांनी आज सोमवारी 24 तासांचा संप पुकारला होता. यावेळी त्यांना मार्गदर्शन करतांना जोरगेवार बोलत होते.

आयटीसी अगरबत्‍ती प्रकल्‍प, महाराष्‍ट्र बांबु विकास मंडळ आणि बांबु संशोधन आणि प्रशिक्षण केंद्र यांच्‍या संयुक्‍त विद्यमाने पोंभुर्णा येथे उभारण्‍यात येणारे अगरबत्‍ती युनिट या परिसरात रोजगार निर्मीतीचे प्रशस्‍त दालन ठरेल व त्‍या माध्‍यमातुन परिसराच्‍या विकासात भर घातली जाईल अशी अपेक्षा अर्थ व वनमंत्री सुधीर मुनगंटीवार यांनी व्‍यक्‍त केली.

बल्‍लारपूर विधानसभा मतदार संघ हा महाराष्‍ट्रातीलच नव्‍हे तर देशातील पहिला आरो युक्‍त मतदार संघ ठरेल यादृष्‍टीने आपण प्रयत्‍नशील आहोत. हा मतदार संघ शंभर टक्‍के एलपीजी गॅसयुक्‍त करत पंतप्रधान नरेंद्र मोदी यांचे धूरमुक्‍त गावांचे स्‍वप्‍न आपल्‍याला साकार करायचे आहे. या मतदार संघातील 125 गावांमध्‍ये आकर्षक असे प्रवासी निवारे बांधण्‍याचा संकल्‍प आपण केला असून पदमापूर आणि आगरझरी या गावांमध्‍ये पहिला प्रयोग आपण राबविला आहे. या मतदार संघातील सर्व अंगणवाडया आय.एस.ओ. मानांकित करून त्‍या माध्‍यमातुन 0 ते 6 वयोगटातील बालकांना योग्‍य शिक्षण व संस्‍कार देण्‍याचा आपला मानस आहे, असे प्रतिपादन अर्थमंत्री तथा चंद्रपूर जिल्‍हयाचे पालकमंत्री सुधीर मुनगंटीवार यांनी केले. नागरिकांच्‍या मागणीच्‍या अनुषंगाने आगरझरी येथे 10 लक्ष रू. निधी खर्चुन आमदार निधीतुन सामाजिक सभागृह बांधण्‍याची घोषणा त्‍यांनी यावेळी केली.

बफर झोन क्षेत्राच्‍या विकासासाठी आम्‍ही डॉ. श्‍यामाप्रसाद मुखर्जी जन वन विकास योजना अमलात आणली. त्‍यामाध्‍यमातुन या परिसरात 100 टक्‍के घरामंध्‍ये एलपीजी गॅस उपलब्‍ध करून देण्‍याची कार्यवाही सुरू केली आहे. या परिसरात सिंचनाच्‍या सोयी उपलब्‍ध करून देण्‍याच्‍या दृष्‍टीने सुध्‍दा आपण प्रयत्‍नशिल आहोत. 3 कोटी रू. निधी खर्चुन मौलझरी तलावाची विशेष दुरूस्ती करून शेतीला पाणी देण्‍याची व्‍यवस्‍था आपण केली आहे. माजी मालगुजारी तलावांच्‍या विशेष दुरूस्‍तीची कामे पुर्ण केली आहे. महिला बचत गटांना विविध व्‍यवसायांच्‍या माध्‍यमातुन रोजगार उपलब्‍ध करून देण्‍यासाठी आपण प्रयत्‍नशिल आहोत. या परिसरातील झरी पर्यटन केंद्राकरीता 30 लक्ष रू. निधी लवकरच उपलब्‍ध होईल अशी ग्‍वाही अर्थमंत्री तथा चंद्रपूर जिल्‍हयाचे पालकमंत्री सुधीर मुनगंटीवार यांनी दिली.

Page 1 of 4
  • 001
  • 002

फोटोगॅलरी

मुलाखत

आरजे शुभम बद्दल आणखी थोडं….

आज सकाळी नेहेमी प्रमाणे रेडीयोवर रेडीयो मिर्ची ९८.३ एफएम ट्यून होत… आणि शो सुरु होता माझ्या आवडत्या आरजे शुभमचा… आणि मग साडे नऊ नंतर तो रेडियोवर आलाच नाही……